Եվրախորհրդարանի պատգամավոր Աննա Ֆոտիգան ասում է, որ Վրաստանի տարածքային ամբողջականության շահերից ելնելով փոփոխություններ են նախաձեռնվել ԵՄ ընդհանուր անվտանգության և արտաքին քաղաքականության վերաբերյալ տարեկան զեկույցում։

«Որպես Վրաստանի վաղեմի բարեկամ, ի նպաստ Վրաստանի տարածքային ամբողջականության, ես այսօր նախաձեռնել եմ փոփոխություններ ԵՄ ընդհանուր անվտանգության և արտաքին քաղաքականության վերաբերյալ՝ ամենամյա զեկույցում: Ես վճռականորեն պաշտպանում եմ վրաց ժողովրդի պայքարը հանուն ազատության», – գրել է Աննա Ֆոտիգան «Twitter»-ում:

Աննա Ֆոտիգան հրապարակեց նաև փոփոխության տեքստը, ըստ որի՝ ԵՄ-ն դատապարտում է օկուպացիոն ուժերի գործողությունները և կոչ է անում Ռուսաստանին կատարել իր պարտավորությունները:

«Աջակցում է Վրաստանի տարածքային ամբողջականությանը և դատապարտում է Ռուսաստանի կողմից Վրաստանի տարածքների օկուպացիան: Հիշեցնում է Ռուսաստանին 2008 թվականի հրադադարի համաձայնագրով ԵՄ միջնորդությամբ Ֆրանսիայի նախագահությամբ ստանձնած միջազգային պարտավորությունների մասին: Աջակցում է Ռուսաստանի Դաշնության հետ հարաբերությունների կարգավորման պայմանականության սահմանմանը և կարծում է, որ հարաբերությունների կարգավորումը հնարավոր է միայն այն բանից հետո, երբ Ռուսաստանը կկատարի 2008 թվականի օգոստոսի 12-ի հրադադարի համաձայնագրի դրույթները: Կոչ է անում Ռուսաստանին կառուցողական գործել և առաջ տանել Ժնևում միջազգային բանակցությունները: Կոչ է անում Ռուսաստանին վերջ տալ Վրաստանի օկուպացված տարածքներում մարդու իրավունքների ոտնահարումներին և հիշեցնում Ռուսաստանի Դաշնությանը իր իրավական պարտավորության մասին՝ որպես իշխանության ուժ, որը «արդյունավետ վերահսկողություն» է իրականացնում, ինչպես նշված է ECHR-ի՝ Վրաստանի և Ռուսաստանի դեմ բանաձևում», – ասվում է փոփոխության տեքստում, որը հրապարակել է Աննա Ֆոտիգան: