«Մենք պետք է նպատակաուղղված պատժամիջոցներ կիրառենք օլիգարխ Բիձինա Իվանիշվիլիի դեմ և պահանջենք ազատ արձակել Միխեիլ Սաակաշվիլիին»,- հայտարարել է Եվրախորհրդարանի պատգամավոր, Եվրոպական պահպանողականներ և ռեֆորմիստներ քաղաքական խմբի անդամ Աննա Ֆոտիգան Եվրախորհրդարանում իր ելույթի ժամանակ։

Ինչպես նշել է Ֆոտիգան «Արտաքին ազդեցության թափանցիկության մասին» օրինագծի վերաբերյալ իր ելույթում, Վրաստանին ԵՄ թեկնածուի կարգավիճակ տալու վերաբերյալ վրաց ժողովրդի կամքն արդեն իսկ խախտվել է վերոնշյալ օրենքի վերաներկայացումով։

«Մենք Վրաստանին տվել ենք Եվրամիության կարգավիճակ՝ ճանաչելով Վրաստանի ժողովրդի կամքը, իսկ Վրաստանի քաղաքացիների այս կամքն արդեն խախտվել է այսպես կոչված օտարերկրյա գործակալների մասին օրենքը կրկին ներմուծելով՝ նրանք չպետք է հետագայում պատժվեն: Մենք պետք է նպատակաուղղված պատժամիջոցներ սահմանենք օլիգարխ Բիձինա Իվանիշվիլիի նկատմամբ և պահանջենք ազատ արձակել Միխեիլ Սաակաշվիլիին»,- ասել է Ֆոտիգան։