Չապացուցված մեղադրանքներով բանտում լինելը, ի՞նչ ժողովրդավարություն է դա։ Այն, ինչ տեղի կունենա Միխեիլ Սաակաշվիլիի հետ, դեռ երկար ժամանակ կորոշի Վրաստանի ապագան,- հայտարարել է եվրախորհրդարանական Աննա Ֆոտիգան Լեհաստանում Սմոլենսկի ողբերգության 13-րդ տարելիցին նվիրված միջոցառմանը, որտեղ Վրաստանի նախկին նախագահ Միխեիլ Սաակաշվիլիին փոխանցվել է Լեխ Կաչինսկու անվան «Պրոմեթևս» մրցանակը։

«Շատ կարեւոր է գնահատել մարդկանց, ովքեր այսքան բան են արել երկրի զարգացման համար։ Միխեիլ Սաակաշվիլին այժմ գերեվարված է իր երկրում, չնայած այն ամենին, ինչ նա արել է Վրաստանի զարգացման համար, կոռուպցիան հաղթելու համար, նա խիզախորեն դիմակայեց 2008 թվականի օգոստոսի հնգօրյա ռուսական ագրեսիային։ Ես ուզում եմ շնորհակալություն հայտնել Միխեիլ Սաակաշվիլիին Լեհաստանի հետ բարեկամության համար և ուզում եմ խոստանալ, որ մենք կարծում ենք, որ հնարավոր է նրան բժշկական օգնություն տրամադրել Լեհաստանում կամ մեկ այլ տեղ՝ ուժեղացնելով ճնշումը վրացական իշխանությունների վրա։

Ես գիտեմ, որ բազմաթիվ լեհեր, այդ թվում Յարոսլավ Կաչինսկին, այդ թվում՝ խորհրդարանի նախագահը, ներգրավված են Միխեիլ Սաակաշվիլիին աջակցելու և Վրաստանի իշխանություններից նույնը պահանջելու մեջ։ Վրաց ժողովուրդն արժանի է, որ իր երրորդ նախագահը ողջ լինի»,- ասել է Աննա Ֆոտիգան։