Ռուսաստանը լրացուցիչ ուժեր է տեղակայել Բելառուսում: Եթե այդ զորքերը մնան Բելառուսում և չվերադառնան իրենց հայրենիք, դա էապես կփոխի Եվրոպայի անվտանգության ճարտարապետությունը, քանի որ կարելի է ասել, որ Ռուսաստանը ավելացնում է ևս մեկ ռազմական շրջան, – ՆԱՏՕ-ի գլխավոր քարտուղար Ենս Ստոլտենբերգի հետ հանդիպման ժամանակ ասել է Լեհաստանի նախագահ Անջեյ Դուդան։

Նա ասել է, որ Լեհաստանը խաղաղության կողմնակից է, և Լեհաստանը հակամարտություն չի ցանկանում։

«ՆԱՏՕ-Ուկրաինա և ՆԱՏՕ-Վրաստան հանդիպումներն անհրաժեշտ է անցկացնել մինչև ՆԱՏՕ-ի Մադրիդի գագաթնաժողովը։ Ես դա առաջարկեցի գլխավոր քարտուղարին։ Ես զրուցել եմ Վրաստանի նախագահի հետ։ Մինչ Պեկին հասնելը կանգ առա Թբիլիսիում։ Ես խոսեցի անվտանգության իրավիճակի մասին, ինձ հետաքրքրեց նրա տեսլականն ու գնահատականը։ Կարծում եմ, որ Վրաստանը պետք է հրավիրվի ՆԱՏՕ-ին՝ պետության ղեկավարի մակարդակով, և նույն մակարդակով պետք է անցկացվի ՆԱՏՕ-Վրաստան և ՆԱՏՕ-Ուկրաինա հանդիպում, որպեսզի համերաշխություն դրսևորվի այդ երկրների նկատմամբ, ցույց տալու, որ մենք չենք լքել այդ երկրները: Այս երկրները միշտ հավատարիմ են եղել Դաշինքին, և մենք պետք է ցույց տանք, որ ՆԱՏՕ-ն հիշում է նրանց: Սա կարևոր է ՆԱՏՕ-ի վստահության համար»,- ասել է Դուդան։