Անջեյ Դուդա. Առանց Ուկրաինայի անհնար է Ուկրաինայի ապագայի վերաբերյալ որևէ համաձայնագիր ստորագրել

17:50, 30.10.2024

Լեհաստանի նախագահ Անջեյ Դուդայի խոսքով՝ Ուկրաինան անպայման պետք է մասնակցի իր ապագայի շուրջ ընթացող բանակցություններին։

«Առանց Ուկրաինայի հնարավոր չէ որևէ համաձայնագիր ստորագրել Ուկրաինայի ապագայի վերաբերյալ»,- ասել է Դուդան լրատվամիջոցներին տված հարցազրույցում՝ հավելելով, որ Լեհաստանը պետք է պայքարի դրա համար։

Անջեյ Դուդայի խոսքով, այս հարցում Լեհաստանը հենվում է սեփական դժվարին պատմական փորձի վրա, այդ թվում՝ համաձայնագրերի, որոնք վերջ դրեցին Երկրորդ համաշխարհային պատերազմին։

«Եթե մենք չպայքարենք, որ Ուկրաինան այսօր լինի բանակցությունների սեղանի շուրջ, ապա նման գործելաոճը կարող է կրկնվել ապագայում։ Պետք է պայքարել, որպեսզի նման բան երբեք չկրկնվի»,- ասել է Լեհաստանի նախագահը։

Հեղինակ - Oksana Sharoyan

Միջազգային