Մեր երկրների սերտ երկկողմ հարաբերությունները լավ հիմք են տալիս մեր կառավարությունների հետագա համագործակցության և մեր հասարակությունների միջև հարաբերությունների խորացման համար, – այս մասին գրել է Գերմանիայի կանցլեր Անգելա Մերկելը պաշտոնական նամակում շնորհավորելով Գիորգի Գախարիային՝ վարչապետի պաշտոնում նշանակվելու կապակցությամբ:

Վարչապետի մամուլի ծառայության փոխանցմամբ, Անգելա Մերկելը շեշտում է, որ Գերմանիան կշարունակի Վրաստանի վստահելի գործընկերությունը օրենքի գերակայության և ժողովրդավարության զարգացման ճանապարհին:

«Պարոն վարչապետ, շնորհավորում եմ ձեզ վերընտրվելու կապակցությամբ: Մեր երկրների սերտ երկկողմ հարաբերությունները լավ հիմք են տալիս մեր կառավարությունների հետագա համագործակցության և մեր հասարակությունների միջև հարաբերությունների խորացման համար: Գերմանիան կշարունակի Վրաստանի վստահելի գործընկերությունը՝ օրենքի գերակայության և ժողովրդավարության զարգացման համար: Մաղթում եմ հաջողություն և ուժ մեծ մարտահրավերների շրջանում ձեր պատասխանատու առաջադրանքների կատարման գործում», – ասված է պաշտոնական նամակում: