Սաակաշվիլին համաձայն է խորհրդաժողովի, համաձայն է թեստերի, դեղամիջոցների, – լրագրողներին ասել է Վրաստանի նախկին նախագահի անձնական բժիշկ Նիկոլոզ Ղիփշիձեն՝ Քրեակատարողական հիմնարկ Սաակաշվիլիին տեսակցելուց հետո:

Նրա խոսքով, Միխեիլ Սաակաշվիլիին հիվանդանոց տեղափոխելու կարիք դեռ չկա:

«Հինգ օր սպասեցի ու վերջապես տեսա: Ուզում եմ ձեզ ասել, որ պարզվում է, որ շատ ուժեղ օրգանիզմ ունի: Ակնկալիքները գերազանցեցին: Ես խոսեցի նախագահի հետ: Նախագահը համաձայն է խորհրդաժողովին, համաձայն է թեստերի, դեղերի: Տրամադրվածությունը շատ լավ է: Նա երկար ժամանակ ինձ հետ խոսեց երեկվա հանրահավաքի մասին: Դեռ հիվանդանոց տեղափոխելու կարիք չկա, բայց ցավոք այս պահը նույնպես կգա: Մենք չպետք է մոռանանք մի բան, դա քաղաքական սով է, քաղաքական ակտ», – ասել է Նիկոլոզ Ղիփշիձեն:

Նիկոլոզ Ղիփշիձեն նաեւ նշել է, որ ինչպես Սաակաշվիլին է իրեն ասել, ինքը չի պատրաստվում դադարեցնել հացադուլը:

«Նախագահն ինձ ասաց, որ ոչ մի դեպքում չի դադարեցնելու հացադուլը եւ պայքարելու է մինչեւ վերջ: Նա ասաց, որ երեկ շատ ուրախ էր: Նա կարծում է, որ դա շատ մեծ, հետաքրքիր, լավ հանրահավաք էր», – ասել է Նիկոլոզ Ղիփշիձեն: