Արդարադատության նախարարի հրամանով, ինքնությունը հաստատող վկայականի անվճար ստացումը որոշ կատեգորիայի քաղաքացիների համար կշարունակվի մինչև 2019 թվականի հունվարի մեկը:

Ընթացիկ տարվա մարտի մեկից ընտրացուցակների կատարելագործման նպատակով սկսված ակցիայի շրջանակներում, ինքնությունը հաստատող վկայականն անվճար ստացել է արդեն 98 246 քաղաքացի:

Ակցիայի ժամկետի երկարացման հետ կապված հայտարարություն է արել պետական ծառայությունների զարգացման գործակալության նախագահ Սոսո Գիորգաձեն, ով գնահատել է ունեցած արդյունքները և մեկնաբանել, թե ում է վերաբերում ակցիան:

Ակցիայի շրջանակներում արժեքը վճարելուց ազատվում են.

• Վրաստանի այն քաղաքացիները, այդ թվում անչափահասները, որոնք մինչև հունվարի մեկը դառնում են 18 տարեկան, ում անունով մինչև 2018 թվականի մարտի մեկը տրված չի եղել Վրաստանի քաղաքացու անձը հաստատող որևէ փաստաթուղթ
• Քաղաքաքացիները, որոնց ինքնությունը հաստատող փաստաթղթի լուսանկարներն անորակ են կամ ընդհանրապես չեն պահվում գործակալության տվյալների էլեկտրոնային բազայում
• Գրանցումից հանված, անձը հաստատող չեղարկված փաստաթուղթ ունեցող քաղաքացիները
• Անհասցե գրանցված քաղաքացիները
• Քաղաքացիները, որոնք չունեն իրավական ուժ ունեցող որևէ փաստաթուղթ
• Այն անձինք, որոնք գրանցված են Վրաստանի օկուպացված տարածքներում և չունեն փախստականի կարգավիճակ:

Ինչ վերաբերում է ընթացիկ ակցիայից օգտվել ցանկացող քաղաքացիներին, նրանք պետք է դիմեն Արդարադատության տներ, պետական ծառայությունների զարգացման գործակալության տարածքային ծառայություններ կամ հանրային կենտրոններ: