Ուկրաինա ռուսական ներխուժման պատճառով մենք բոլորս Եվրոպայում ամենուր տեսել ենք մարդկանց ու բեռնատարների երկար շարքեր։ Այն, ինչ հիմա կատարվում է, Ռուսաստանի մեղքն է,- ասել է Վրաստանում Լիտվայի դեսպան Անդրիուս Կալինդրան։

Դեսպանի խոսքով՝ Լիտվան ուսումնասիրում է Ռուսաստանի քաղաքացիների մուտքը Վրաստան եւ վստահ է, որ երկրի իշխանությունները քաջատեղյակ են ներկա իրավիճակին ու ռիսկերին։

«Մենք ուսումնասիրում ենք իրավիճակը և միևնույն ժամանակ վստահ ենք, որ Վրաստանի կառավարությունը լավ է գործում՝ լավ գնահատելով այս իրավիճակը, ինչպես հաղթահարել հնարավոր բոլոր ռիսկերը։ Ուզում եմ հիշեցնել, որ Ռուսաստանի Ուկրաինա ներխուժումից անմիջապես հետո Լիտվան մարտի 10-ից դադարեցրել է վիզաների տրամադրումը ռուսական և բելառուսական անձնագրեր ունեցողներին։ Այժմ մենք սահմանափակում ենք նաև ռուսների մուտքը Լիտվա։ Սա է մեր ընկալումն ու ճանապարհը, քանի որ, ցավոք, Ռուսաստանի հետ ցանկացած ներդրում՝ լինի դա մշակութային, սոցիալական, տնտեսական, թե քաղաքական կապեր, այլեւս արժեք չունի»,- ասաց դեսպանը։

Սեպտեմբերի 27-ին ՆԳՆ-ն տեղեկություն է տարածել Ռուսաստանի Դաշնությունից Վրաստան մուտք գործող և Ռուսաստան մեկնած քաղաքացիների թվի վերաբերյալ։