Ուկրաինայի արտաքին գործերի նախարար Անդրեյ Սիբիգան Անկարայում հանդիպել է Թուրքիայի արտաքին գործերի նախարար Հաքան Ֆիդանի հետ։ Ինչպես նիստից հետո կայացած մամուլի ասուլիսում ասել է Սիբիգան, հանդիպմանը քննարկվել են «Հաղթանակի ծրագիրը», «Խաղաղության բանաձեւը» եւ ուկրաինացի ռազմագերիների ազատ արձակումը։

Ըստ Սիբիգայի՝ նա իր թուրք գործընկերոջը տեղեկություններ է տրամադրել Վլադիմիր Զելենսկու «հաղթական ծրագրի» մասին։

«Կարևոր է հասկանալ, որ սա «խաղաղության բանաձեւին» փոխարինող չէ, այլ դրա իրագործման գործնական գործիք»,- ասել է Սիբիգան։

Անդրեյ Սիբիգայի խոսքով՝ Թուրքիան Ուկրաինայի ռազմավարական գործընկերն է, որի հետ ձգտում է զարգացնել բարեկամական հարաբերությունները։ Ուկրաինայի արտաքին գործերի նախարարի խոսքով՝ թուրք գործընկերոջ հետ բանակցությունների ընթացքում նա խոսել է խաղաղ նախաձեռնությունների միջև մրցակցությունից խուսափելու և աշխարհը բլոկների բաժանելու կարևորության մասին։

«Վստահ եմ, որ Թուրքիան կարող է կարեւոր դեր խաղալ այս հարցում»,- ասել է Սիբիգան։

Թուրքիա կատարած այցի շրջանակներում, Թուրքիայի արտգործնախարարի հետ բանակցություններից բացի, Անդրեյ Սիբիգան նախատեսում է հանդիպել Ազգային պաշտպանության նախարար Յաշար Գյուլերի և Առևտրի նախարար Օմեր Բոլաթի հետ։