Երևանում՝ Եվրոպական քաղաքական միության գագաթնաժողովի շրջանակներում, ես հանդիպում ունեցա իմ վրացի գործընկերոջ՝ արտաքին գործերի նախարար Մակա Բոճորիշվիլիի հետ,- այս մասին սոցիալական ցանցերում գրում է Ուկրաինայի արտաքին գործերի նախարար Անդրեյ Սիբիգան։

Ինչպես գրում է Սիբիգան, հանդիպմանը հատուկ ուշադրություն է դարձվել փոխշահավետ առևտրատնտեսական համագործակցության ընդլայնմանը։

«Մենք մտքեր փոխանակեցինք երկկողմ, տարածաշրջանային և միջազգային զարգացումների լայն շրջանակի վերաբերյալ։ Մենք նաև քննարկեցինք եվրոպական ինտեգրացիան և Եվրամիության կարևոր դերը համաշխարհային գործերում։ Մենք հատուկ ուշադրություն դարձրեցինք փոխշահավետ առևտրատնտեսական համագործակցության ընդլայնմանը։ Մենք համաձայնեցինք, որ ապագայում կշարունակենք կապի մեջ լինել», – գրում է Սիբիգան։

Տեղեկատվության համար՝ Վրաստանի վարչապետ Իրակլի Կոբախիձեն հանդիպել է Ուկրաինայի նախագահ Վլադիմիր Զելենսկու հետ Եվրոպական քաղաքական միության (ԵՔՄ) ութերորդ գագաթնաժողովի շրջանակներում։

Վրացական կառավարության տվյալներով՝ Իրակլի Կոբախիձեի և Վլադիմիր Զելենսկու միջև հանդիպումը տեղի է ունեցել ուկրաինական կողմի նախաձեռնությամբ, և նրանք քննարկել են երկու երկրների միջև հարաբերությունները։