Բռնազավթված Ցխինվալի տարածաշրջանի այսպես կոչված նախագահ Անատոլի Բիբիլովի հայտարարությամբ, Հարավային Օսիայի իշխանությունները պետք է դիմեն Գերագույն դատարանին՝ Ռուսաստանին անդամակցության վերաբերյալ «հանրաքվեի» ընթացակարգ սկսելու համար։

Այս մասին Բիբիլովը նշել է ռուսական «Ռիա Նովոստի»-ին տված հարցազրույցում։

Նրա խոսքով՝ այսօր հնարավորությունների պատուհան է, և «Հանրապետությունը» իրավունք չունի բաց թողնել «օկուպացված տարածաշրջանում բնակվողների՝ Ռուսաստանին միանալու ցանկությունը»։

Բիբիլովը նաև նշել է, որ այսպես կոչված Հանրապետությունում կարող է անցկացվել երկու «հանրաքվե»:

«Մենք պետք է հասկանանք, որ ուղղակի մուտքը Ռուսաստան և Օսիայի ուղղակի միավորումը անմիջապես տեղի չի ունենա, քանի որ օրենքը դա թույլ չի տալիս։ Երբ Հարավային Օսիան կլինի Ռուսաստանի կազմում, այն ժամանակ պետք է սկսվի Օսիայի միավորման գործընթացը, այնուհետև երկու հանրաքվե անցկացվի»,- հավելել է Բիբիլովը։