Անալենա Բերբոկ. Տասնյակ հազարավոր վրացիներ ցույց են տալիս, որ Եվրոպայի սիրտը միայն Վարշավայի և Լիսաբոնի միջև չէ, որ բաբախում է, այն ժողովրդավարական քաղաքացիական հասարակությունը դուրս է բերել նաև Թբիլիսիի փողոցներ
Վրաստանի՝ Եվրամիության թեկնածուի կարգավիճակը պատմական հնարավորություն է, և իշխանություններից է կախված՝ կլսեն այս ձայնը, թե ոչ, Instagram-ում գրել է Գերմանիայի արտգործնախարար Անալենա Բերբոկը։
Բերբոկն արձագանքում է Թբիլիսիում շարունակվող բողոքի ակցիաներին և տարածում է ակցիան պատկերող լուսանկարներ։
«Դուք հավանաբար դա տեսել եք լրահոսում: Մի քանի շաբաթ է, ինչ Վրաստանում տասնյակ հազարավոր մարդիկ են մասնակցում բողոքի ցույցերին՝ հանուն իրենց երկրի Եվրամիությանն անդամակցելու՝ ուսանողներ, ծնողներ, տատիկներ ու պապիկներ՝ իրենց թոռների հետ։ Նրանք բոլորը բողոքում են իրենց կառավարության առաջարկած օրենքի դեմ, որը նպատակ ունի սահմանափակել արտերկրից մասամբ ֆինանսավորվող հասարակական կազմակերպությունների և քաղաքացիական հասարակության կազմակերպությունների աշխատանքը։
Օրենքի գերակայությունը, ժողովրդավարական չափանիշները և լրատվամիջոցների ազատությունը անհրաժեշտ են Եվրամիությանն անդամակցելու համար, և տասնյակ հազարավոր վրացիներ ցույց են տալիս, որ Եվրոպայի սիրտը բաբախում է ոչ միայն Վարշավայի և Լիսաբոնի միջև, այլ Ժողովրդավարական, աշխույժ և քննադատական այս քաղաքացիական հասարակությունը այն դուրս բերեց Թբիլիսիի փողոցներ։ Վրաստանի՝ Եվրամիության թեկնածուի կարգավիճակը պատմական հնարավորություն է, և իշխանություններից է կախված՝ կլսեն այս ձայնը, թե ոչ»,- գրում է Անալենա Բերբոկը։
