Գերմանիայի արտաքին գործերի նախարար Անալենա Բերբոկի խոսքով, Արևմտյան Բալկանների պետություններն արժանի են ամուր աջակցության Եվրամիությանն անդամակցելու ճանապարհին։

Ըստ Բերբոքի՝ Եվրամիության համար վճռորոշ նշանակություն ունի Արեւմտյան Բալկանյան տարածաշրջանի կայունությունն ու անվտանգությունը, եւ «գորշ գոտիները» այլեւս չպետք է մնան Եվրոպայում։

«Մենք չենք կարող թույլ տալ, որ մոխրագույն գոտիները շարունակեն գոյություն ունենալ Եվրոպայում, և մենք պետք է ամեն ինչ անենք, որպեսզի փակենք այն եզրերը, որոնք Ռուսաստանը կարող է օգտագործել իր ապակայունացնող, ապատեղեկատվական և ներթափանցման քաղաքականության համար», – ասել է Բերբոքը Չեռնոգորիա և Բոսնիա այցից առաջ:

Անալենա Բերբոքի խոսքով՝ Գերմանիան կաջակցի Արեւմտյան Բալկանյան երկրներին ժողովրդավարական ինստիտուտների եւ, ընդհանրապես, ժողովրդավարության ամրապնդման գործում։

«Հատկապես դաժան ռուսական իմպերիալիզմի պայմաններում աշխարհաքաղաքական անհրաժեշտություն է դարձել անել ամեն ինչ՝ աջակցելու Արեւմտյան Բալկանների վեց պետություններին դեպի Եվրամիություն ճանապարհին: Նաև Եվրամիությունն ունի ընդհանուր խնդիր՝ պատրաստվել ապագային, քանի դեռ նոր աթոռներ չեն ավելացվել եվրոպական սեղանին», – ասել է Բերբոքը։