Հասարակությունը հստակորեն ասել է «Վրացական երազանքին», որ նրա ժամկետն ավարտվել է, ասել է «Լելո՝ գործընկերության հանուն Վրաստանի» ներկայացուցիչ Անա Նացվլիշվիլին:

Նրա խոսքով, այժմ հիմնական խնդիրն այն է, որ ընդդիմությունը ավարտին հասցնի կոալիցիոն կառավարության վերաբերյալ վրաց ժողովրդի դատավճիռը:

«Այս ընտրություններում կրկին իշխանության կիրառած կոշտ մեթոդները հստակ պատկեր են ցույց տալիս, բայց չնայած այս խստությանը, հասարակությունը «Վրացական երազանքին» հստակ ասաց, որ նրա ժամկետը լրացել է: Դա արձանագրվեց նրանով, որ երկրորդ փուլն անխուսափելի է Վրաստանի բոլոր խոշոր քաղաքներում: Դա շատ լուրջ ուղերձ է, որը ցույց է տալիս հասարակության պատրաստակամությունը, այն պահանջը, որ արդեն ավարտվել է «Վրացական երազանքի» ժամկետը, ինչպես նաև հասարակության պատրաստակամությունը, որ ընդդիմությունը կուսակցական կառավարությունը փոխարինի կոալիցիոն, հավասարակշռված կառավարությամբ:

Այս փուլում, երբ դեռ բողոքները քննարկվում են, կան լուրջ և հիմնավորված պնդումներ բազմաթիվ ընտրատարածքների նկատմամբ, ես չէի կարող այդքան հանգիստ լինել «Վրացական երազանքի» փոխարեն: Պատրանքային հանգստություն է: Ընդհակառակը, արդյունքը, ինչպես նաեւ ընտրական գործընթացն ու որակը լրջորեն ցնցել են «Վրացական երազանքի» օրինականությունը: «Վրացական երազանքի» լեգիտիմությունն օրեցօր նվազում է, այժմ հիմնական խնդիրն այն է, որ ընդդիմությունը ավարտին հասցնի վրաց ժողովրդի դատավճիռը, որն ասում է, որ չի ցանկանում միակուսակցական կառավարում և ցանկանում է կոալիցիոն կառավարություն: Դրանից հետո քաղաքական գործընթացն անխուսափելի կդարձնի իշխանության խաղաղ, ժողովրդավարական փոխարինումը ամբողջ երկրում», – ասել է Անա Նացվլիշվիլին: