«Լելոն՝ Վրաստանի համար» կուսակցության անդամ Անա Նացվլիշվիլիի կարծիքով, Վրաստանի նախագահ Սալոմե Զուրաբիշվիլիի՝ երեկ Միխեիլ Սաակաշվիլիի վերաբերյալ արված հայտարարությունները անտրամաբանական են։

Ինչպես Նացվլիշվիլին է ասում, նախագահը մի կողմից ընդունում է դատարանում առկա համակարգային խնդիրները, մյուս կողմից ասում է, որ այդ համակարգային խնդիրներով դատարանը պետք է դատի Սաակաշվիլիին։

«Այս օրերի ընթացքում մենք տեսել ենք մի շարք մարդկանց, ովքեր կոշտ քննադատել են Միխեիլ Սաակաշվիլիին իշխանության օրոք, և շատ հարցերում ունեցել են անձնական կամ այլ տեսակի անհանդուրժողականություն։ Ես այս մարդկանց վերագրում եմ նաև ինձ։ Մենք կարողացանք տեսնել պետականության առջև ծառացած կրիտիկական վտանգը և առաջին հերթին դնել պետության առջեւ ծառացած մարտահրավերը: Ով, եթե ոչ պետության ղեկավարը պետք է լինի ճգնաժամը բոլոր տեսանկյուններից տեսնող ու պետության, հասարակության առջեւ ծառացած մարտահրավերը առաջին պլան մղող մարդ։ Ինձ համար շատ դժվար էր լսել, որ երրորդ նախագահին պետք է տեղափոխեն քաղաքացիական կլինիկա, երբ դա հիմնված է պրոֆեսիոնալ անկախ դերակատարների պահանջի վրա։ Համաներման ինստիտուտը հորինված է այն մարդկանց համար, ում համարում են մեղավոր: Նրա արած հայտարարություններն անհամապատասխան են միմյանց: Մի կողմից ընդունում է դատարանում առկա համակարգային խնդիրները, մյուս կողմից ասում է, որ այս համակարգային խնդիրներով դատարանը պետք է դատի երրորդ նախագահին, որի նկատմամբ իշխող թիմի կողմից կա կոնկրետ կուսակցական քաղաքական շահ, որտեղ է տրամաբանությունը»,- հայտարարել է Նացվլիշվիլին: