Անա Ֆոտիգա. Վրդովված եմ Վրաստանում զարգացած վերջին իրադարձություններից
Անկասկած, հաջողության ենք հասել մեր քաղաքականության մեջ, սակայն կան որոշ հարցեր, որոնք վրդովմունք են առաջացնում,- այս մասին հայտարարել է Եվրախորհրդարանական Անա Ֆոտիգան՝ Եվրախորհրդարանի լիագումար նիստին, «Արևելյան գործընկերության» երկրների մասին խոսելիս:
«Իմ աջակցությունը «Արևելյան գործընկերության» երկրների նկատմամբ կայուն է: Այսքան տարի անց, կարծում եմ, երկու հարց կայուն է այս երկրներում: Առաջինն այս երկրների հասարակության շատ կայուն արևմտյան տրամադրվածությունն է և նրանց ցանկությունը՝ մնան մեզ հետ: Երկրորդը Ռուսաստանի ցանկությունն է, ապակայունացնել այս երկրները և հնազանդեցնել նրանց: Անկասկած, հաջողության ենք հասել մեր քաղաքականության մեջ, սակայն կան որոշ հարցեր, որոնք վրդովմունք են առաջացնում: Ուկրաինան կրկին օկուպացված է, Ազովյան ծովի նավահանգիստներն արգելափակված են: Վրաստանը իրական վրդովմունքի պատճառ է և ես վրդովված եմ վերջին իրադարձություններից: Կարծում եմ, քաղաքական ճգնաժամը ծայրահեղ վտանգավոր է, մենք պետք է դիմակայենք դրան»,- հայտարարել է Անա Ֆոտիգան: