Մեր ռազմավարական դաշնակիցը՝ ԱՄՆ Սենատը և ոչ մի այլ գերատեսչություն չի ընդունի այնպիսի որոշում, որը վնաս կհասցնի պետությանը և վրաց ժողովրդին,- ասել է «Հանուն Վրաստանի» կուսակցության անդամ Անա Բուչուկուրին։

Նրա խոսքով, «Վրացական երազանքը» փորձում է ասել՝ «պետությունը ես եմ», բայց պետությունը վրաց ժողովուրդն է։

«Անկեղծ ասած, ես ինքս չեմ լսել զեկույցը, լսել եմ գնահատականները։ Այստեղ գլխավորն այն չէ, թե ինչ է ասել և ինչ չի ասել, անձամբ ինձ համար՝ որպես այս երկրի քաղաքացու և Վրաստանի խորհրդարանի պատգամավորի, այն, ինչին ես հավատում և վստահ եմ, չափազանց կարևոր է։ Մեր ռազմավարական դաշնակցի՝ Ամերիկայի Միացյալ Նահանգների Սենատը և ոչ մի այլ գերատեսչություն Վրաստանի վերաբերյալ որոշում չի կայացնի, որը կվնասի վրաց ժողովրդին, վնաս կհասցնի Վրաստանին որպես պետության։ «Երազանքը» փորձում է ասել, որ «պետությունը ես եմ»։ Միշան դա էր անում։ Դա այդպես չէ։ Լինի Իվանիշվիլին, Սաակաշվիլին, թե այդ պատգամավորները, նրանք պետություն չեն։ Պետությունը վրաց ժողովուրդն է»,- ասել է Բուչուկուրին։