Ամստերդամի կենտրոնում դանակով զինված տղամարդու հարձակման արդյունքում հինգ մարդ վնասվածքներ է ստացել
Ամստերդամի կենտրոնում դանակով զինված տղամարդու հարձակման արդյունքում հինգ մարդ վնասվածքներ է ստացել։ Այս մասին հայտնում է տեղական մամուլը։
Մեդիայի տվյալներով՝ միջադեպը տեղի է ունեցել Ամստերդամի կենտրոնում՝ Դամ հրապարակին մոտ։ Տղամարդը, ով դանակով վիրավորել է հինգ քաղաքացու, արդեն ձերբակալվել է, իսկ Դամի հրապարակը մասամբ փակվել է ոստիկանության կողմից։
Վիրավորների տարհանման նպատակով ներգրավվել է ուղղաթիռ։ Հարձակման հետ կապված դադարեցվել է Ամստերդամի քաղաքային խորհրդի նիստը։
Այս պահին դեռ հայտնի չէ ոչ տուժածների վիճակը, ոչ էլ հարձակվողի ինքնությունը և հանցագործության դրդապատճառը։