ԱՄՆ Սենատը հավանություն է տվել Ուկրաինայի, Իսրայելի և Թայվանի օգնության փաթեթին։

Օրինագծին կողմ է քվեարկել 79 սենատոր՝ ընդդեմ 18-ի։ Աջակցողների մեծ մասը դեմոկրատներ են։

Ընթացակարգային առումով օրինագիծն այժմ պետք է ստորագրի ԱՄՆ նախագահ Ջո Բայդենը՝ օրինական դառնալու և ուժի մեջ մտնելու համար։ Ինչպես ասել է Բայդենը, օրինագիծը ստանալուն պես կստորագրի։

«Այսօր Վլադիմիր Պուտինը կարող է զղջալ այն օրը, երբ կասկածի տակ դրեց Ամերիկայի որոշումը»,- վերջնական որոշումը հրապարակելուց առաջ ասել է Սենատի մեծամասնության ղեկավար Չակ Շումերը։

Սենատի կողմից հաստատված փաթեթը միավորում է չորս օրինագիծ, որոնք Ներկայացուցիչների պալատն ընդունել է որպես առանձին օրինագծեր անցյալ շաբաթ:

Չորս օրենքների նախագծերից մեկը նախատեսում է Ուկրաինային 61 մլրդ դոլարի օգնություն, իսկ երկրորդը՝ Իսրայելին 26 մլրդ դոլարի օգնություն։ Երրորդ օրինագիծը ներառում է 8,1 միլիարդ դոլարի հատկացում Հնդկ-Խաղաղօվկիանոսյան տարածաշրջանին, որը հիմնականում նպատակ ունի զսպել չինական ագրեսիան տարածաշրջանում, մասնավորապես՝ Թայվանի դեմ։ Ինչ վերաբերում է չորրորդ օրինագծին, ապա այն թույլ է տալիս արգելել Tik-Tok սոցիալական ցանցը, ինչպես նաև բռնագրավել ռուսական ակտիվները հօգուտ Ուկրաինայի և նոր պատժամիջոցներ կիրառել Իրանի դեմ։