Ռուսաստանը պետք է դուրս բերի իր ուժերը և դադարեցնի Վրաստանի տարածքի օկուպացումը,- այս մասին ճեպազրույցի ժամանակ հայտարարել է ԱՄՆ Պետդեպարտամենտի խոսնակ Մեթյու Միլլերը։

Լրագրողի հարցին, թե ինչ է անում Միացյալ Նահանգների շտաբը վրաց ժողովրդին այս ուղղությամբ օգնելու համար, Միլլերը պատասխանել է, որ Ամերիկան ​​շարունակում է հստակորեն իր աջակցությունը հայտնել այն քաղաքականությանը, որը ենթադրում է ռուսական ուժերի դուրսբերում Վրաստանի տարածքից։

«Ես ուղղակի կասեի Ռուսաստանին պատասխանատվության ենթարկելու առումով, որ եթե նայեք այն պատժամիջոցներին, որոնք մենք սահմանել ենք Ռուսաստանի դեմ ուկրաինական պատերազմի սկզբից ի վեր և, այո, դա ի պատասխան Ուկրաինա ներխուժման է, ապա դա նվազեցրել է Ռուսաստանի ռազմական կարողությունները։ Սա վնասեց ռուսական տնտեսությանը։ Այնպես որ, ես կարծում եմ, որ մենք շատ ամուր դիրքորոշում ունենք Ռուսաստանի վրա պատասխանատվություն պարտադրելու հարցում»,- ասել է Պետքարտուղարության խոսնակը։

Միաժամանակ լրագրողը Մեթյու Միլլերին հարցրել է, թե կարծում է, որ Զելենկիի «խաղաղության բանաձեւը» վերաբերելու է նաեւ Վրաստանին, ինչին բանախոսը պատասխանել է, որ չի ցանկանում համեմատել տարբեր իրավիճակներով երկու երկրներ։