ԱՄՆ Կոնգրեսի Ներկայացուցիչների պալատի խոսնակը հայտարարել է, որ Սենատ ներկայացված սահմանների պաշտպանության մասին օրինագիծը, որը ներառում է օգնություն Ուկրաինային և Իսրայելին, չի քվեարկվի Կոնգրեսի ստորին պալատի կողմից։

«Այս օրենքն ավելի վատն է, քան սպասվում էր, և այն նույնիսկ չի մոտենում սահմանային աղետին ավարտին, որը ստեղծել է նախագահը», – ասել է Մայք Ջոնսոնը:

Նրա խոսքով, եթե օրինագիծը հասնի Ներկայացուցիչների պալատ, այն «կթաղվի» մինչեւ քվեարկությունը։

Փետրվարին Սենատ է ներկայացվել երկկուսակցական օրինագիծ, որը, բացի ԱՄՆ սահմանի պաշտպանությանն ուղղված միջոցառումներից, ներառում է միջոցների հատկացում Ուկրաինային և Իսրայելին օգնության համար։ Ընդհանուր առմամբ կհատկացվի 118 միլիարդ դոլար, որից 20 միլիարդ դոլարը՝ ԱՄՆ հարավային սահմանի անվտանգությանը, 60 միլիարդը՝ Ուկրաինային, 14,1 միլիարդը՝ Իսրայելին, 2,4 միլիարդը՝ Կարմիր ծովի հակամարտությանը, 4,8 միլիարդը՝ Հնդկ-խաղաղօվկիանոսյան տարածաշրջան, աջակցելու ԱՄՆ գործընկերներին։