ԱՄՆ-ի Պետքարտուղարությունում հայտարարում են, որ Էնթոնի Բլինկենը չի ծրագրում հանդիպել Սերգեյ Լավրովի հետ Մեծ քսանյակի գագաթնաժողովում
Միացյալ Նահանգների պետքարտուղար Էնթոնի Բլինկենը չի նախատեսում հանդիպել իր ռուս գործընկեր Սերգեյ Լավրովի հետ Մեծ քսանյակի գագաթնաժողովում։ ԱՄՆ-ի Պետքարտուղարության խոսնակ Նեդ Փրայսի խոսքով՝ նման հանդիպման և բանակցությունների համար պայմաններ դեռ չկան, քանի որ Ռուսաստանը շարունակում է իր ագրեսիան Ուկրաինայի դեմ։
«Մենք կցանկանայինք, որ ռուսները մեզ առիթ տան երկկողմ հանդիպում անցկացնելու համար։ Բայց, առայժմ, միակ բանը, որ մենք տեսնում ենք Մոսկվայից, ավելի դաժան ագրեսիան է Ուկրաինայի նկատմամբ»,- ասել է Նեդ Փրայսը։
Էնթոնի Բլինկենը և Սերգեյ Լավրովը կմասնակցեն հաջորդ շաբաթ Ինդոնեզիայում նախատեսված Մեծ քսանյակի արտգործնախարարների հանդիպմանը։