ԱՄՆ գլխավոր դատախազ Պամելա Բոնդը հայտարարել է, որ Նիկոլաս Մադուրոյին և նրա կնոջը՝ Սիլիա Ֆլորեսին, մեղադրանք է առաջադրվել Նյու Յորքի հարավային շրջանում։

ԱՄՆ գլխավոր դատախազի գրասենյակը հայտարարել է, որ Նիկոլաս Մադուրոյին մեղադրանք է առաջադրվել թմրավաճառության դավադրության, կոկաին ներմուծելու դավադրության, հրազենի և ավերիչ սարքի պահման, ինչպես նաև ԱՄՆ-ի դեմ հրազենի և ավերիչ սարքի պահման մեջ։

«Նրանք շուտով կբախվեն ամերիկյան արդարադատության ողջ զայրույթին ամերիկյան հողի վրա, ամերիկյան դատարաններում։ ԱՄՆ Արդարադատության նախարարության անունից ես ուզում եմ շնորհակալություն հայտնել նախագահ Թրամփին ամերիկյան ժողովրդի անունից պատասխանատվություն պահանջելու իր քաջության համար և իմ խորին երախտագիտությունը հայտնել մեր քաջարի զինվորականներին, ովքեր իրականացրել են անհավանական և խիստ հաջողված առաքելություն՝ այս երկու ենթադրյալ միջազգային թմրավաճառներին բռնելու համար», – ասել է ԱՄՆ գլխավոր դատախազը։

Ձեր տեղեկության համար, ԱՄՆ զինված ուժերը ռմբակոծել են Վենեսուելայի ռազմական բազաները, երկրի գլխավոր նավահանգիստը և խորհրդարանի շենքը։ Վենեսուելայի կառավարությունը հայտարարություն է տարածել, որի համաձայն՝ նախագահ Նիկոլաս Մադուրոն երկրում արտակարգ դրություն է հայտարարել։ Վենեսուելայի կառավարությունը մեղադրեց ԱՄՆ-ին հարձակման մեջ և դատապարտեց «ռազմական ագրեսիան», որի նպատակն էր Վաշինգտոնի ցանկությունը՝ յուրացնել երկրի նավթն ու հանքանյութերը։ Միևնույն ժամանակ, ԱՄՆ նախագահ Դոնալդ Թրամփը հայտարարեց, որ ամերիկյան զորքերը գերի են վերցրել Վենեսուելայի առաջնորդ Նիկոլաս Մադուրոյին և նրա կնոջը և դուրս են բերել երկրից։ ԱՄՆ պետքարտուղար Մարկո Ռուբիոն հայտարարեց, որ Նիկոլաս Մադուրոն Վենեսուելայի նախագահը չէ, այլ նարկոհեռասպանական կազմակերպության ղեկավարը, որը մեղադրվում է ԱՄՆ թմրանյութերի մաքսանենգության մեջ։