ԱՄՆ-ը զգուշացրել է Իրանի կառավարությանը դադարեցնել ԱՄՆ նախագահի հանրապետական ​​թեկնածու Դոնալդ Թրամփի դեմ ցանկացած դավադրություն։

Ինչպես գրում է Reuters-ը, ամերիկացի բարձրաստիճան պաշտոնյաները նշում են, որ Վաշինգտոնը Թրամփի կյանքի վրա հարձակվելու ցանկացած փորձ կդիտարկի որպես պատերազմական ակտ։

Ըստ անանուն աղբյուրի՝ ԱՄՆ նախագահ Ջո Բայդենը պարբերաբար տեղեկացվում է Իրանի կողմից սպառնալիքների մասին։ Աղբյուրը նշում է, որ Բայդենը հանձնարարել է իր թիմին ուղերձներ հղել Իրանի բարձրաստիճան պաշտոնյաներին՝ նախազգուշացնելով Թեհրանին դադարեցնել Թրամփի և ԱՄՆ նախկին պաշտոնյաների դեմ բոլոր դավադրությունները:

Թեհրանն իր հերթին հերքել է միջամտությունը ԱՄՆ-ի գործերին և հայտնել Միացյալ նահանգներին, որ իրենց երկիրն է տարիներ շարունակ միջամտում Իրանի ներքին գործերին: