ԱՄՆ-ը կօգնի Ուկրաինային ամրապնդել հարաբերությունները Սևծովյան տարածաշրջանի երկրների, այդ թվում՝ Վրաստանի հետ
ԱՄՆ կոնգրեսում ներկայացվել է Ուկրաինայի հետ գործընկերության մասին օրինագիծ, որը խոսում է Սևծովյան տարածաշրջանի երկրների, այդ թվում՝ Վրաստանի հետ հարաբերությունների ամրապնդման մասին:
Կոնգրեսի սենատում երկկուսակցական խմբի կողմից ներկայացված Ուկրաինային դիվանագիտական աջակցության մասին օրինագիծը ներառում է ռազմավարություն այն մասին, թե ինչպես Վաշինգտոնը կօգնի Կիևին ամրապնդել դիվանագիտական, տնտեսական, էներգետիկ և ծովային հարաբերությունները Սևծովյան խոշոր պետությունների, Բուլղարիայի, Ռումինիայի, Թուրքիայի և Վրաստանի հետ:
Օրինագծի համաձայն, ԱՄՆ-ը պետք է նշանակի Ուկրաինայի համար հատուկ բանագնաց, որի հիմնական խնդիրներից մեկը կլինի Ուկրաինայի դիվանագիտական հարաբերությունների դյուրացումը Սևծովյան տարածաշրջանի երկրների հետ, որոնք, ինչպես Ուկրաինան, բախվում են Ռուսաստանի կողմից Սևծովյան ռազմականացման աճի ազդեցությանը:
Օրինագիծը նախատեսում է նաև Ուկրաինային տարեկան 304 միլիոն դոլարի փոխանցում՝ զենքի և ռազմական օգնության տեսքով: