Հիվանդությունների վերահսկման ազգային կենտրոնի ղեկավար Ամիրան Գամղրելիձեի խոսքով, երկրում պատվաստումների մակարդակը բարձրացնելու մի քանի տարբերակ կա: Նրա խոսքով, հենց այդ նպատակով է սկսվել «մարաթոն», որի շրջանակներում այս փուլում ընտրվել է 49 գյուղ:

«Մենք շատ ենք փորձում, այդ թվում` մարաթոնի սկզբունքը, մոտ 49 գյուղերում ակտիվացնել պատվաստումները: Վաղը մենք մեկնելու ենք Շիդա Քարթլիի չորս մեծ գյուղեր: Հոկտեմբերի 15-16-ը, մեր խմբերը նախապես կաշխատեն գյուղերում, կհավաքագրեն բնակչությանը և երկուշաբթի օրվանից մենք ցանկանում ենք ակտիվացնել պատվաստումները շարժական բրիգադների և տեղացի բժիշկների միջոցով»,- ասաց Ամիրան Գամղրելիձեն:

Գամղրելիձեն միաժամանակ նշել է, որ պատվաստումների մոտիվացիայի բարձրացման նպատակով համակարգող խորհուրդը կքննարկի որոշակի հարցեր:

«Մենք նաեւ ցանկանում ենք մեծացնել պատվաստումների մոտիվացիան, այսօր խորհրդում քննարկվեցին մի քանի հարցեր: Մինչև որոշում չկայացվի, ես չեմ կարող ձեզ այդ մասին ասել: Ամենակարեւոր հարցերից մեկը 60 տարեկանից բարձր բնակչության պատվաստումն է», – ասել է Գամղրելիձեն: