Հիվանդությունների վերահսկման և կանխարգելման ազգային կենտրոնի ղեկավար Ամիրան Գամղրելիձեն շնորհակալություն հայտնեց Վրաստանում ԵՄ պատվիրակությանը և Առողջապահության համաշխարհային կազմակերպության ներկայացուցիչներին՝ հատկապես համաճարակի ընթացքում ցուցաբերած աջակցության համար:

Ըստ Գամղրելիձեի, Եվրամիության եւ Առողջապահության համաշխարհային կազմակերպության կողմից նվիրաբերված գույքը կօգնի էլ ավելի ընդլայնել պատվաստումների գործընթացը:

«Շնորհակալություն Վրաստանում ԵՄ պատվիրակության և Առողջապահության համաշխարհային կազմակերպության ներկայացուցիչներին, հատկապես համաճարակային շրջանում, մեր երկրին ցուցաբերած օգնության համար: Այսօր հանձնման ակտը մեր գործընկերների օգնության ևս մեկ օրինակ է: Եվրամիության և Առողջապահության համաշխարհային կազմակերպության միջոցով ստացած նվերը, իհարկե, հետագայում էլ ավելի կընդլայնի պատվաստումների գործընթացը և կաջակցի այսպես կոչված զանգվածային պատվաստումների գործընթացին: Տեղեկատվական ՏՏ գործիքներ և պարագաներ, սառը շղթայի համար անհրաժեշտ սառնարանային սարքավորումներ, շարժական սառը տուփեր, ջերմաստիճանի մոնիտորինգի համար անհրաժեշտ ջերմաչափեր և շատ այլ գույք կա, որոնք մենք ստացել ենք և կստանանք մեր գործընկերներից», – ասաց Ամիրան Գամղրելիձեն:

Վրաստանի առողջապահության փոխնախարար Թամար Գաբունիան այսօր ասաց, որ Եվրամիությունն ու Առողջապահության համաշխարհային կազմակերպությունը լրացուցիչ սարքավորումներ են հանձնել Վրաստանին՝ տեխնիկապես առողջ միջավայրում զանգվածային պատվաստում ապահովելու համար: