Հիվանդությունների վերահսկման ազգային կենտրոնի ղեկավար Ամիրան Գամղրելիձեի խոսքով, երկրում համաճարակաբանական իրավիճակը լրջորեն վատթարացած է: Ըստ նրա, այս ֆոնին հատկապես կարևոր է հետևել հանձնարարականներին: Խոսելով խնդրի մասին՝ Գամղրելիձեն շեշտեց փակ տարածքում շնչադիմակ կրելու անհրաժեշտությունը:

«Վտանգը լուրջ է, ուստի մենք բոլորս պետք է գիտակցենք, որ համաճարակային իրավիճակը վատթարանում է, մենք լուրջ ալիքի մեջ ենք մտնում: Այսօրվա և երեկվա տվյալները կրկնում են այն, ինչ ունեցել ենք մայիսի գագաթնակետին, ինչպես նաև նոյեմբերի սկզբին: Մենք պետք է հետևենք բոլոր հանձնարարականներին, առաջին հերթին՝ փակ տարածքում շնչադիմակ կրենք: Կանոնակարգ է գործարկվում նաև շնչադիմակը բաց տարածքներում կրելու վերաբերյալ, որտեղ հավաքվում ենք», – ասաց Ամիրան Գամղրելիձեն:

Ամիրան Գամղրելիձեն հերթական անգամ հասարակությանը կոչ արեց խուսափել մեծ հավաքույթներից:

Բացի այդ, ըստ Հիվանդությունների վերահսկման ազգային կենտրոնի ղեկավարի, համաճարակը հաղթահարելու բանալին պատվաստումն է: Ըստ Գամղրելիձեի, երկրում բավականաչափ պատվաստանյութեր կան, ուստի քաղաքացիները պետք է օգտվեն այս հնարավորությունից և պատվաստվեն:

«Գլխավորն այն է, որ մենք բոլորս գնանք պատվաստումներ կատարենք, երկրում բավարար քանակությամբ պատվաստանյութեր կան, եւ ավելի շատ պատվաստանյութեր կլինեն օրական 15-20 հազար մարդու ազատ պատվաստելու համար: Նախարարի հրամանը կստորագրվի այս շաբաթ, և բոլորը կարող են պատվաստվել կովիդից ապաքինվելուց հետո 30 օրում:

Ներկայիս համաճարակային իրավիճակի վատթարացումը կասեցվելու է երկու բանով. Կանոններին հետևելը, հարսանիքներին, հոգեհացի սեղաններին, մեծ ծննդյան խնջույքներին, համերգներին չմասնակցելը: Մենք պետք է ավելի համերաշխ լինենք, քանի որ եթե համաճարակն այսպես սրվի, Հիվանդությունների վերահսկման կենտրոնը կմտնի խորհուրդ՝ ավելի խստացնելու կոչով: Մենք արդեն անցնում ենք կարմիր գծերը: Վերջին յոթ օրվա ընթացքում կորոնավիրուսից մահացությունը բարձր է: Երեխաների մոտ վարակման աճ կա, բայց մենք տոկոսային մեծ ցատկ չունենք», – ասաց Ամիրան Գամղրելիձեն:

Ամիրան Գամղրելիձեի խոսքով, Վրաստանում 30-40 տոկոսը վարակված են հնդկական շտամով, և վիրուսի տարածման ցուցանիշը շատ արագ է աճում:

«30-40 տոկոսը վարակված է Դելտայի շտամով և այն շատ արագ է աճում», – ասաց Ամիրան Գամղրելիձեն: