Հիվանդությունների վերահսկման ազգային կենտրոնի ղեկավար Ամիրան Գամղրելիձեի հայտարարությամբ, Եվրոպայի գրեթե բոլոր երկրներն աստիճանաբար ավելի խիստ միջոցներ են ձեռնարկում: Նրա խոսքով, հիմնական քաղաքականությունը «կետային սահմանափակումներն են»:

Գամղրելիձեի մեկնաբանմամբ, համակարգող խորհուրդը քննարկում էր փուլ առ փուլ տարբեր սահմանափակումներ գործարկելու հարցը:

«Այս խնդիրներն է քննարկում խորհուրդը, քանի որ համավարակի պայմաններում բոլոր երկրներում կա գրեթե նույն մոտեցումը, այսինքն՝ մի կողմից սահմանափակումների հավասարակշռություն, բայց ոչ ամբողջական արգելափակում, մյուս կողմից՝ առողջապահական համակարգի ամրապնդում, որպեսզի հիվանդները ժամանակին բուժվեն: Շատ կարևոր նշանակություն ունի վարակի հայտնաբերումից անմիջապես հետո անցնել ինքնամեկուսացման վայր», – հայտարարել է Ամիրան Գամղրելիձեն:

Բացի այդ, Գամղրելիձեն ընդգծել է այնպիսի կանխարգելիչ միջոցառումների կարևորությունը, ինչպիսիք են հեռավորությունը, հեռավար ուսուցումը, ձեռքերի հաճախակի լվացումը, շնչադիմակը և այլն:

«Շատ լավ է այն, ինչ ես հիմա տեսնում եմ, մենք դա արդեն հասկացել ենք և դրսում, փողոցում մարդիկ են շնչադիմակ են կրում, կտեսնեք, դա մեզ արդյունք կտա վարակի նվազեցման առւմով», – հայտարարել է Ամիրան Գամղրելիձեն: