Մեր երկրում համաճարակի դեմ պայքարի բոլորովին նոր փուլ է սկսվում, – «Աստրազենեկայի» պատվաստանյութը Վրաստան մուտք գործելու մասին հայտարարեց Հիվանդությունների վերահսկման ազգային կենտրոնի ղեկավար Ամիրան Գամղրելիձեն:

Ըստ նրա, պատվաստման գործընթացի պատշաճ կառավարումը հատուկ նշանակություն ունի:

«Շատ կարևոր օր է: Մեր երկրում համաճարակի դեմ պայքարի բոլորովին նոր փուլ է սկսվում: Ինչպես գիտեք, համաճարակի հաղթահարման ուղին պատվաստումն է, և հատկապես կարևոր կլինի այս գործընթացը պատշաճ կերպով ղեկավարելը: Ուստի մենք խնդրում ենք բոլորից, լրատվամիջոցներից, հնարավորինս կանգնել մեր բժիշկների կողքին՝ հնարավորինս շատ մարդկանց պատվաստելու համար: Այս տարի մեր թիրախը 60 տոկոսն է:

Այսօր ներկայացվեց Առողջապահության համաշխարհային կազմակերպության կողմից թույլատրված «Աստրազենեկա» պատվաստանյութի առաջին խմբաքանակը: Այս թույլտվությունը նշանակում է, որ դա ամենաբարձր որակներից մեկն է, քանի որ Առողջապահության համաշխարհային կազմակերպության թույլտվությունը պատվաստանյութի ամենաբարձր որակի մասին է խոսում», – ասաց Գամղրելիձեն:

Ըստ նրա, պատվաստանյութերի երկրորդ խմբաքանակը Վրաստան կժամանի ապրիլի երկրորդ կեսին, և դրա քանակը կկազմի 86 000 դեղաչափ:

«Կովաքսի» առաջին խմբաքանակը 43 200 դեղաչափ է: Երկրորդ խմբաքանակը՝ շուրջ 86 000 դեղաչափ, կհասնի ապրիլի երկրորդ կեսին: Հետևաբար, ըստ մեր պատվաստումների պլանի, առաջին փուլում կընտրվի ամենաբարձր առաջնահերթ խումբը՝ բուժաշխատողներ, առողջապահական աշխատողներ, բժիշկներ, բուժքույրեր, կրտսեր բուժանձնակազմ, օժանդակ անձնակազմ, որոնք ներկայումս աշխատում են առողջապահության ոլորտում, քանի որ նրանք կովիդի դեմ պայքարի առաջնագծում են», – ասաց Գամղրելիձեն:

Նա կոչ արեց բժշկական անձնակազմին երկուշաբթի օրվանից ներգրավվել պատվաստումներին և օրինակ ծառայել հասարակության համար:

«Ես իմ գործընկերներին հորդորում եմ, որ երկուշաբթի օրվանից, երբ սկսվում է պատվաստումը, օրինակ ծառայել ամբողջ հանրությանը այս մեծագույն բարիքի համար, որը մարդկությունը հորինել է 200 տարի շարունակ: Ինչպես գիտեք, պատվաստումը միլիոնավոր կյանքեր է փրկել, և հենց պատվաստումն է վերջ տալու 21-րդ դարի ամենամեծ մարտահրավերին՝ համաճարակին: Ուստի մենք խնդրում ենք բոլորիդ լինել համերաշխ, մոբիլիզացված, որպեսզի երկրում այս գործընթացը լավ իրականացվի», – ասաց Ամիրան Գամկրելիձեն: