Չինաստանի կառավարությունը Վրաստանին անվճար կտրամադրի «Sinovac» պատվաստանյութը, որը լայնորեն օգտագործվում է հարակից երկրներում,- այս մասին ճեպազրույցում ասել է Հիվանդությունների վերահսկման ազգային կենտրոնի ղեկավար Ամիրան Գամղրելիձեն:

Նրա խոսքով, պատվաստանյութի շուրջ 15 միլիոն դոզա արդեն օգտագործվել է Թուրքիայում, իսկ կես միլիոն դոզա՝ Ադրբեջանում:

«Ինչպես գիտեք, Չինաստանն այսօր ունի մոտ հինգ պատվաստանյութ, որոնցից երկուսն օգտագործվում են միջազգային մակարդակով՝ «Sinovac» և «Sinopharm»: Բացի այդ, Չինաստանի կառավարությունը Վրաստանին անվճար է մատակարարում «Sinovac» պատվաստանյութը, որը լայնորեն օգտագործվում է հարևան երկրներում, ինչպիսին է Թուրքիան, որտեղ արդեն օգտագործվել է շուրջ 15 միլիոն դոզա և օգտագործվել է մոտ կես միլիոն դոզան Ադրբեջանում: Այն ևս ունի լայն սպառում: Երկու պատվաստանյութերն էլ ներկայացվել են Առողջապահության համաշխարհային կազմակերպությանը թույլտվություն ստանալու համար, որն, ամենայն հավանականությամբ, կստանան ապրիլի կեսերին», – ասաց Ամիրան Գամղրելիձեն:

Ըստ նրա, երկրում համաճարակը մի կետի կհասնի, եթե պատվաստվի չափահաս բնակչության 60 տոկոսը:

«Մեկ անգամ ևս շեշտում եմ, որ մեր պատվաստանյութերի պաշարը երկրում աստիճանաբար ընդլայնվում է: Հիմա շատ բան կախված է ԶԼՄ-ներից, թե որքան ճիշտ ուղերձներ ենք հասցնելու բնակչությանը և որքան ակտիվ կլինի բնակչությունը, քանի որ երկրում համաճարակը հաղթահարելու այլ զենք չկա: Միակ ճանապարհը բնակչության զանգվածային պատվաստումն է: Եթե մենք այս տարի կատարենք մեր նպատակը՝ պատվաստենք չափահաս բնակչության 60%-ը, վստահ եղեք, որ երկրում համաճարակը կավարտվի», – ասաց Գամղրելիձեն: