Ըստ Հիվանդությունների վերահսկման ազգային կենտրոնի ղեկավար Ամիրան Գամղրելիձեի, կորոնավիրուսի նոր դեպքերի թիվն ամենացածրն է Թբիլիսիում և Աջարիայում: Ինչպես բացատրում է Գամղրելիձեն, դա կապված է պատվաստումների մակարդակի հետ: Ամիրա Գամղրելիձեի խոսքով, Բաթումիում չափահաս բնակչության 60 տոկոսն արդեն պատվաստված է, մինչդեռ Թբիլիսիում այդ թիվը հասնում է 54 տոկոսի:

Ինչպես նշել է Գամղրելիձեն, ցավոք, այլ շրջաններում պատվաստումների մակարդակը դեռ ցածր է:

«Երկու ամսից, եթե պատվաստվի այնքան մարդ, որքանը պատվաստված է այսօր, կհասնենք 60 տոկոսի նշագծին, որին արդեն հասել է Բաթումին: Այն, ինչ մենք ունեինք այս տարի, չափահաս բնակչության թիրախը՝ հասնել 60 տոկոսի, Բաթումին արդեն անցել է 60 տոկոսը, Թբիլիսին մոտենում է: Թբիլիսիի չափահաս բնակչության 54 տոկոսը երկու անգամ պատվաստվել է, ինչը շատ կարևոր է: Ցավոք, այլ շրջաններում այդ ցուցանիշը 30 տոկոսի սահմաններում է, բացառությամբ Ռաճա-Լեչխումիի, որտեղ պատվաստումների մակարդակը 37 տոկոս է», – ասաց Ամիրան Գամղրելիձեն: