Ամերիկյան լրատվամիջոցների փոխանցմամբ՝ Ջո Բայդենի վարչակազմը սահմանափակումներ է մտցնում Կիևի համար հետախուզական տեղեկատվության փոխանակման վրա
Ամերիկյան լրատվամիջոցների փոխանցմամբ՝ Ջո Բայդենի վարչակազմը սահմանափակումներ է մտցնում Կիևի համար հետախուզական տեղեկատվության փոխանակման վրա

ԱՄՆ-ի նախագահ Ջո Բայդենի վարչակազմը համապատասխան ուղեցույց է մշակել պաշտոնական Կիևի հետ հետախուզական տվյալների փոխանակման համար, որը երկու լայն արգելք է սահմանում Վաշինգտոնի և Մոսկվայի միջև լարվածության սրումը կանխելու համար։

Այս մասին հայտնում է The Washington Post-ը՝ հենվելով սեփական աղբյուրների վրա։

«Վաշինգտոնը միլիարդավոր դոլարների զենք է ուղարկում Ուկրաինա, սակայն ԱՄՆ-ը շատ ավելի զգուշավոր է ռուս զինվորականների մասին Ուկրաինային հետախուզական տվյալները փոխանցելու հարցում»,- գրում է թերթը:

Անանունության պայմանով հրապարակման հետ զրույցում ամերիկացի և ուկրաինացի պաշտոնյաներն ասել են, որ Ուկրաինայում ռուսական զորքերի տեղակայման և տեղաշարժի մասին տեղեկատվությունը կփոխանցվի իրական ժամանակում։ Պաշտոնական Վաշինգտոնի և Մոսկվայի միջև լարվածության աճից խուսափելու համար Սպիտակ տան վարչակազմը համապատասխան ուղեցույցներ է մշակել հետախուզական տվյալների փոխանակման համար:

Փաստաթղթի համաձայն՝ ԱՄՆ-ն մանրամասներ չի հայտնել, թե ինչն է «վտանգում ռուս բարձրաստիճան պաշտոնյաների կյանքին»։

Դա վերաբերում է նաև Ռուսաստանի Գլխավոր շտաբի պետ Վալերի Գերասիմովին և պաշտպանության նախարար Սերգեյ Շոյգուին։ Սակայն, ինչպես գրում է հրատարակությունը, արգելքը չի տարածվում Ուկրաինայի տարածքում ռուս սպաների տվյալների վրա։ Մինչդեռ The Washington Post-ին տված հարցազրույցում Պենտագոնի բարձրաստիճան պաշտոնյան նշել է, որ պաշտոնական Վաշինգտոնը գաղտնի որոշել է պաշտոնական Կիևին տեղեկություններ չտրամադրել գեներալների գտնվելու վայրի մասին։

Բացի այդ, ըստ փաստաթղթի, խոսքը վերաբերում է ցանկացած տեղեկատվության, որը կօգնի Ուկրաինային հարձակվել իր սահմաններից դուրս ռուսական օբյեկտների վրա։ Հրատարակության աղբյուրների համաձայն՝ արգելքը մասամբ մտցվել է այն պատճառով, որ ԱՄՆ-ը չի մասնակցի ոչ մի հարձակման, որը Ուկրաինան կարող է իրականացնել Ռուսաստանի տարածքում»։

Ի հավելումն այս սահմանափակումների, պաշտոնական Վաշինգտոնը պահպանում է կանոն, որն արգելում է Ուկրաինային մատակարարել այն, ինչը պաշտոնյաներն անվանում են «նպատակային տեղեկատվություն»: Օրինակ, ըստ պաշտոնյաների, ԱՄՆ-ը չի ասի ուկրաինացի զինվորականներին, որ կոնկրետ ռուս գեներալ է նկատվել կոնկրետ վայրում և չի օգնի ուկրաինական կողմին այնտեղ հարված հասցնելու համար»:

Ավելի վաղ ամերիկյան լրատվամիջոցները հայտնել էին, որ Ռուսաստանի Սևծովյան նավատորմի ֆլագմանական «Մոսկվա» հածանավի վրա հարձակումը հնարավոր է դարձել Ուկրաինային փոխանցված ամերիկյան հետախուզության շնորհիվ։

Թողնել մեկնաբանություն