Ուկրաինամետ ակտիվիստ, 58-ամյա Ռայան Ուեսլի Ռութը կասկածվում է Դոնալդ Թրամփի դեմ մահափորձի մեջ։ Ամերիկյան լրատվամիջոցների հաղորդմամբ՝ կասկածյալը նախկինում փորձել է օտարերկրյա զինյալների հավաքագրել՝ Ռուսաստանի դեմ Ուկրաինայի պատերազմին միանալու համար, և եղել է նաև Կիևում։

Ռութը, ով ռազմական փորձ չունի, The New York Times-ին ասել է 2023 թվականին, որ ինքը Ուկրաինա է մեկնել 2022 թվականի ռուսական ներխուժումից անմիջապես հետո՝ թալիբներից փախած աֆղան զինվորների մեջ զինվորականներ գտնելու համար:

«Զինվորներ, խնդրում եմ, ինձ մի զանգեք։ Մենք դեռ փորձում ենք հասնել նրան, որ Ուկրաինան ընդունի աֆղան զինվորներին և հուսով ենք, որ առաջիկա ամիսներին որոշ պատասխաններ կունենանք… խնդրում եմ համբերատար եղեք»,- գրել է նա Facebook-ում։

Թրամփի դեմ մահափորձի մեջ կասկածվողը նախկինում դատվածություն ունի մի շարք հանցագործությունների համար, այդ թվում՝ թաքցրած զենք կրելու համար։