ԱՄՆ սենատորներ Ռոն Ջոնսոնը, Ջին Շահինը և Ջիմ Ռիշին կոչ են անում «Վրացական երազանք»-ին, «Միացյալ ազգային շարժմանը» և Վրաստանի խորհրդարանում ընտրված այլ կուսակցություններին ամբողջությամբ իրականացնել Եվրոպական խորհրդի նախագահի առաջարկած 2021 թվականի պրիլի 18-ին և ապրիլի 19-ին ստորագրված փոխզիջումը:

Սենատորները կոչ արեցին խորհրդարանի ընտրված անդամներին զբաղեցնել իրենց տեղերը խորհրդարանում և անհապաղ սկսել աշխատել Վրաստանի առջև ծառացած մարտահրավերների վերաբերյալ, ներառյալ համաճարակի հետևանքները, տնտեսության թուլացումը և տարածաշրջանային մարտահրավերները:

«Մենք Վրաստանի կառավարությանը կոչ ենք անում իրականացնել համակարգային բարեփոխումներ, որոնք մշակվել են կողմերի հետ ներառական և թափանցիկ խորհրդատվական գործընթացի միջոցով՝ ապահովելու համար, որ արդարադատության համակարգը լինի անկողմնակալ և անկախ և չօգտագործվի քաղաքական նպատակներով:

Նախաձեռնել ներառական և թափանցիկ մշակված ընտրական համակարգային բարեփոխումներ՝ քաղաքական փակուղու հիմնական պատճառները լուծելու և նման ճգնաժամի կրկնությունը կանխելու համար: Ընդունել և ամբողջությամբ իրականացնել ԵԱՀԿ / ԺՀՄԻԳ հանձնարարականները:

Վրաստանում քաղաքական իրավիճակն էլ ավելի սրվեց Ռուսաստանի Դաշնության ջանքերով՝ երկրում քաոս սերմանելով, այդ թվում` ապօրինի օկուպացված տարածքներում՝ Աբխազիայում և Հարավային Օսեթիայում:

Վրաստանի ժողովրդավարական ինստիտուտների ամրապնդման ճանապարհին առկա խոչընդոտներն ու գործընթացները դանդաղեցնում են Վրաստանի առաջընթացը եվրաատլանտյան ինտեգրման ձգտմանը և նրա տնտեսության ուժեղացման գործում: Դա կարող է հանգեցնել Վրաստանին ԱՄՆ օգնության համար պայմանների սահմանումը», – ասված է սենատորների հայտարարության մեջ:

Սենատորներն ընդգծում են, որ ԱՄՆ-ն աջակցում է Վրաստանում ավելի ուժեղ ժողովրդավարությանը և վրաց ժողովրդի եվրատլանտյան նկրտումներին: