Խրոնիկ հիվանդությունների բուժման դեղերի ծրագիրն ընդլայնվում է,- այս մասին հայտնի է դարձել կառավարության նիստի ավարտից հետո։

Վարչապետի մամուլի ծառայությունից հայտնում են, որ նիստում ընդունված որոշման համաձայն՝ հունվարի 15-ից գլաուկոմայի համապատասխան կատեգորիայի կամ կարգավիճակի քաղաքացիները ամբողջ տարվա ընթացքում կստանան գլաուկոմայի դեղորայք՝ ամբողջական ֆինանսավորմամբ։

Բացի այդ, ամբողջ տարվա ընթացքում ամբողջությամբ կֆինանսավորվեն համապատասխան կատեգորիայի շահառուները. սրտանոթային, թոքային, վահանաձև գեղձի քրոնիկ հիվանդություններ, շաքարախտ (տիպ 2), Պարկինսոնի և էպիլեպսիայի համար դեղեր:

«Համընդհանուր առողջապահական ծրագրում ներառված նորությունները վերաբերելու են սոցիալապես անապահովներին (որոնց վարկանիշային միավորը չի գերազանցում 100000 միավորը), թոշակառուներին, վետերաններին, հաշմանդամություն ունեցող անձանց (հաշմանդամ երեխաներ, ծանր կամ զգալի հաշմանդամություն ունեցող անձինք) և Վրաստանի օկուպացված տարածքների բաժանարար գծի երկայնքով ապրող բնակչությունը։

Նախարարների կաբինետի անդամները քննարկել են նաեւ Վրաստանի կառավարության «Սոցիալական փաթեթը որոշելու մասին» որոշման նախագիծը։ Փոփոխության համաձայն՝ այս տարվա հունվարից ծանր հաշմանդամություն ունեցող անձանց և հաշմանդամ երեխաների սոցիալական փաթեթը կավելանա 50 լարիով՝ 340-ից դառնալով 390 լարի։ Մնացած բոլոր կատեգորիաների հաշմանդամների դրամական օգնությունը բարձրանում է 20 լարիով, այդ թվում՝ զգալի հաշմանդամություն ունեցող անձանց սոցիալական փաթեթը 175-ից դառնում է 195 լարի, բյուջեն կազմում է մոտ 46 մլն լարի։ Բարձրացված սոցիալական փաթեթից կօգտվի մինչև 123 հազար շահառու»,- ասված է կառավարության հաղորդագրությունում։