Պետական ​​ծառայությունների զարգացման գործակալության հաղորդմամբ, հունիսի 9-ից ամբողջ երկրի մասշտաբով վերսկսվել են ամուսնությունների գրանցման տոնական արարողություններով իրականացման ծառայությունները:

Գերատեսչության տվյալներով, Արդարադատության նախարարության ՀԻԻՊ Պետական ​​ծառայությունների զարգացման գործակալության նախագահ, Զուրաբ Սանիկիձեն ամուսնության տարածքներ է բացել Կախեթիի տարածաշրջանի երկու քաղաքներում ՝ Թելավիում և Գուրջաանիում:

Այն անձինք, ովքեր ցանկանում են ամուսնությունը գրանցել հանդիսավոր իրավիճակում, հնարավորություն ունեն այս ծառայությունը ստանալու համար դիմել, Վրաստանի տարածքում գործող բոլոր ամուսնական տներին (տարածքներին), այդ թվում Թելավիի և Գուրջաանիի նորաբաց հարսանեկան տարածքներին, ինչպես նաև օգտվելու ամուսնության արտագնա գրանցումից ցանկացած վայրում, որտեղ նրանք կցանկանան:

«Հարկ է նշել, որ Թելավիում և Գուրջաանիում հարսանեկան արարողության տոնական տարածք մինչ այժմ գոյություն չուներ և ամուսնանալ ցանկացող զույգերը կարող էին դիմել միայն Պետական ​​ծառայությունների զարգացման գործակալության համապատասխան մասնաճյուղերին, որտեղ ամուսնությունը գրանցվում էր առանց արարողակարգային ծիսակարգի: Այսօրվանից, ցանկացած զույգ կարող է ծրագրել իր հարսանիքի գրանցումը նոր բացված տարածքում, որը զարդարված է հարսանեկան-տոնական հատուկ զարդարանքներով, ուղեկցվելով հանդիսավոր արարողությամբ: Ամուսնության վայրերի նոր, ժամանակակից չափանիշները տեղակայված են Թելավիի և Գուրջաանիի արդարադատության տներում:

Ամուսնության արարողության ծառայությունից օգտվելու համար, զույգը պետք է հաշվի առնի, որ համատեղ դիմում ներկայացնելու համար նախապես պետք է գրանցեն այցելություն՝ Արդարադատության տուն, համայնքային կենտրոններ, տարածքային ծառայություններ և ամուսնության տներ – my.gov.ge կայքում: Դա անելու համար հարկավոր է օրացույցում ընտրել այն ցանկալի ամսաթիվը և մասնաճյուղը, որից հետո կստանաք միանվագ ծառայության ծածկագիր կարճ տեքստային հաղորդագրությամբ, որը կներկայացնեք մասնաճյուղ հասնելուն պես: Օպերատորը ամրագրելու է ծիսակարգի վայրը, ամսաթիվը և ժամանակը, ընտրված մասնաճյուղում ամուսնությունը գրանցել ցանկացող զույգերի համատեղ դիմումի հիման վրա: Նրանք, ովքեր ցանկանում են ամուսնանալ և նրանց ուղեկիցները (ոչ ավելի, քան 10 հոգի) պետք է դիմակներով հայտնվեն գրանցման տարածք», – ասել են ծառայությունների զարգացման գործակալությունում:

Ամուսնական տներում (տարածություններում) հանդիսավոր արարողությունը և ամուսնությունների արտագնա գրանցումը ժամանակավորապես դադարեցվել էր 2020 թվականի սեպտեմբերի 11-ից, երկրում կորոնավիրուսի տարածումը կանխելու նպատակով գործող կանոնակարգերի պատճառով: