Վրաստանի ՆԳՆ Թբիլիսիի ոստիկանության վարչության Հին Թբիլիսիի գլխավոր բաժնի աշխատակիցները ձեռնարկված օպերատիվ միջոցառումների եւ քննչական գործողությունների արդյունքում՝ 1995 թվականին ծնված Ա.Լ.-ին ձերբակալել են հրկիզելու միջոցով օբյեկտը վնասելու կամ ոչնչացնելու մեղադրանքով,- ասվում է ՆԳՆ հաղորդագրության մեջ։

Գերատեսչության տվյալներով՝ հանցագործությունը պատժվում է 3-ից 5 տարի ազատազրկմամբ։

«Քննությամբ պարզվել է, որ Թբիլիսիի «Ամբասադոր» հյուրանոցի սենյակներից մեկում գտնվող հյուրը հրդեհ է բռնկել, որը տարածվել է հյուրանոցի երրորդ և չորրորդ հարկերում։

Ծանուցումը ստանալուն պես դեպքի վայր են ժամանել իրավապահներն ու հրշեջները, ովքեր սկսել են մարել կրակը։

Իրավապահ մարմինների աշխատակիցները ձերբակալել են մեղադրյալին թեժ հետքով։

«Հետաքննությունն անցկացվում է Վրաստանի Քրեական օրենքի 187-րդ հոդվածի 2-րդ մասի «Ա» ենթակետով, որը նշանակում է օբյեկտի վնասում կամ ոչնչացում հրկիզման միջոցով»,- ասված է ՆԳՆ հաղորդագրության մեջ։

Հրդեհը բռնկվել է «Ամբասադոր» հյուրանոցի տարածքում։ Արտակարգ իրավիճակների կառավարման ծառայության տվյալներով՝ հրդեհի հետևանքով տուժածներ չկան։