«Հայաստանի արտաքին քաղաքականության առաջնահերթություններից մեկը Վրաստանի հետ բարիդրացիական հարաբերությունների զարգացումն է, Վրաստանի հետ ռազմավարական հարաբերությունների հաստատելով շահագրգռված ենք », -հայտնել է Հայաստանի խորհրդարանի նախագահ Ալեն Սիմոնյանը իր վրացի գործընկոջ՝ Շալվա Պապուաշվիլի հետ հանդիպումից հետո։

Սիմոնյանիի խոսքով, հայ-վրացական պատմական հարաբերությունները հիմնված են ընդհանուր արժեքների վրա:

«Պատվիրակության բոլոր անդամների անունից ցանկանում եմ շնորհակալություն հայտնել Վրաստանի խորհրդարանի նախագահին հրավերի և ջերմ ընդունելության համար։ Վրաստանի հետ բարիդրացիական հարաբերությունների զարգացումը մեր երկրի արտաքին քաղաքականության առաջնահերթություններից է։ Մենք շատ շահագրգռված ենք Վրաստանի հետ ռազմավարական հարաբերություններ հաստատելով։ Հայ-վրացական պատմական հարաբերությունները հիմնված են ընդհանուր արժեքների վրա, և դա գումարվում է ժողովրդավարության ուղղությամբ մեր երկրների ապագայի ուղղությամբ մեր ձեռնարկած քայլերին։ Իմ և պարոն Պապուաշվիլիի հանդիպումը մեզ հնարավորություն տվեց շարունակել ապրիլին Երևանում սկսված քննարկումները։ Մենք քննարկել ենք երկկողմ հարաբերությունների բազմաթիվ ոլորտներ՝ կրթություն, մշակույթ, տրանսպորտ և այլն։ Քննարկեցինք նաև ենթակառուցվածքների և միջազգային ենթակառուցվածքներում մեր ներգրավվածության ապահովման հետ կապված տարբեր հարցեր։ Բացի այդ, խոսեցինք հայ համայնքի կարևորության մասին, ընդգծեցինք հայ համայնքի դերը հայ-վրացական հարաբերությունների զարգացման գործում։ Մենք շատ ենք կարևորում մեր խորհրդարանների արտաքին կապերի, մշակույթի և կրթության հանձնաժողովների ստորագրած հուշագիրը»,- ասաց Սիմոնյանը։

Ալեն Սիմոնյանը նաև խոսեց տարածաշրջանում խաղաղության հաստատման ուղղությամբ Վրաստանի և Հայաստանի դերերի մասին։

«Իմ գործընկերոջ հետ նաև անդրադարձանք տարածաշրջանային անվտանգության խնդրին։ Չնայած տարածաշրջանում խաղաղության հաստատման ուղղությամբ մեր ջանքերին, ,Ադրբեջանն իր ագրեսիվ գործողություններով խախտում է պայմանավորվածությունները, այդպիսի օրինակ է Ադրբեջանի վերջին ագրեսիվ մուտքը Հայաստանի ինքնիշխան տարածք և որոշ հատվածների օկուպացումը։ Այս ներխուժմամբ խախտվել են նոյեմբերի պայմանագրի բոլոր կետերը։ Խոսեցինք նաև Վրաստանի և Հայաստանի դերերի մասին տարածաշրջանում խաղաղության հաստատման ուղղությամբ։ Ընդգծվեց, որ անհրաժեշտ է էլ ավելի խորացնել մեր երկրների հարաբերությունները տարբեր ուղղություններով։ Քննարկեցինք նաև օրակարգում առկա այլ հարցեր։ Շատ շնորհակալ եմ հայկական պատվիրակությանը նման բարձր մակարդակով ընդունելու համար։ Սպասում եմ, որ պարոն ղեկավարին Երևանում՝ գալիք տարում»,- ասաց Ալեն Սիմոնյանը։