Ալեկո Էլիսաշվիլի. Ես չգիտեմ, թե ով է ժողովրդական պաշտպանի համաձայնեցված թեկնածուն, զգացողություն ունեմ, որ քվեարկությանն այդ հարցը կտապալվի, ինչը վատ կլինի
Ես դեռ չեմ տեսնում ժողովրդական պաշտպանի պաշտոնի թեկնածու, որի շուրջ կլինի կոնսենսուս,- Վրաստանի Առաջին ալիքին ասել է «Քաղաքացիներ» կուսակցության առաջնորդ Ալեկո Էլիսաշվիլին։
Նրա խոսքով, եթե առաջիկայում քվեարկություն անցկացվի, ապա այն կտապալվի, եւ իրենք չեն կարողանա ժողովրդական պաշտպան ընտրել:
«Ես այնպիսի զգացողություն ունեմ, որ եթե այս հարցը բարձրացվի քվեարկության, հավանաբար կտապալվի, ինչը վատ կլինի։ Ես չգիտեմ, թե ով է համաձայնեցված թեկնածուն։ Եթե մոտ ապագայում քվեարկություն անցկացվի, ապա այն կտապալվի, եւ չեն կարողանա ժողովրդական պաշտպան ընտրել։ Ես դեռ չեմ տեսնում թեկնածու, որն ընդունելի լինի բոլոր կուսակցությունների համար»,- ասել է Էլիսաշվիլին։