Ըստ իս, երկու կողմերում էլ հռետորաբանությունն աննախադեպ մեղմացված է, դուք էլ եք նկատում, և ես երևի երկու կողմերի կողմից էլ տեսնում եմ պատրաստակամություն՝ համաձայնության գալու համար, – ասաց «Քաղաքացիներ» կուսակցության առաջնորդ Ալեկո Էլիսաշվիլին:

Պատգամավորը լավատեսորեն է տրամադրված բանակցությունների հարցում:

Միևնույն ժամանակ, Էլիսաշվիլին հայտարարում է, որ ընդդիմության և իշխանության միջև ոչ ֆորմալ հաղորդակցություն կա:

«Ես կցանկանայի, որ համաձայնություն ձեռք բերվեր բոլոր վեց կետերի և հատկապես քաղաքական արդարադատության բարեփոխումների վերաբերյալ: Դա բեկում կլինի երկրի զարգացման առումով, որպեսզի մեկընդմիշտ չունենաս այնպիսի դատախազություն և դատարան, ինչպիսին ունես: Ըստ իս, ընդդիմության կուսակցությունների և իշխանության միջև, հավանաբար, կա ոչ ֆորմալ հաղորդակցություն և տեսակետների փոխանակում հատուկ հարցերի շուրջ, ինչը լավ է, հուսադրող, և դրան գումարվում է երկու կողմերի մեղմ հռետորաբանությունը: Համոզված եմ, որ կարմիր գծերը կփոխվեն, քանի որ բանակցային սեղանի շուրջ կողմերի հռետորաբանությունը բոլորովին այլ է, քան տեսախցիկների առաջ», – ասաց Էլիսաշվիլին: