Ուկրաինայի պաշտպանական ուժերը կշարունակեն հարվածներ հասցնել Ղրիմին և ռուսների կողմից գրավված Ղրիմի կամրջին, քանի որ հակառակորդի նյութատեխնիկական ուղիների ոչնչացումը նորմալ մարտավարություն է,- ասել է Ուկրաինայի պաշտպանության նախարար Ալեքսեյ Ռեզնիկովը ամերիկյան «CNN» հեռուստաընկերությանը տված հարցազրույցում։

«Բոլոր այս թիրախները պաշտոնական են, քանի որ դրանց հարվածելը կնվազեցնի ռուսների՝ մեր դեմ պատերազմելու հնարավորությունը և կօգնի փրկել ուկրաինացիների կյանքը: Սա նորմալ մարտավարություն է՝ ոչնչացնել հակառակորդի նյութատեխնիկական ուղիները՝ դադարեցնելու նրա ավելի շատ զինամթերք, վառելիք, սնունդ և այլն ստանալու հնարավորությունը: Ուստի մենք այդ մարտավարությունը կկիրառենք նրանց դեմ»,- ասել է Ռեզնիկովը։

Ավելի վաղ՝ անցյալ շաբաթվա վերջին, նախագահ Վլադիմիր Զելենսկին հայտարարել էր, որ Ղրիմի կամուրջը օրինական թիրախ է Ուկրաինայի համար, քանի որ դրա միջոցով զենք է փոխանցվում օկուպանտներին։