Ալեքսեյ Նավալնին՝ որպես Ռուսաստանի նախագահության թեկնածու, Վաշինգթոնի ընտրությունն է. Պուտին
13:12, 12.01.2018
Ռուսաստանի նախագահ Վլադիմիր Պուտինը պնդում է, որ հակակոռուպցիոն պայքար իրականացնող, ընդդիմադիր գործիչ Ալեքսեյ Նավալնին 2018-ի նախագահական ընտրություններում իր թեկնածությունը առաջադրելու համար ԱՄՆ-ի կողմից աջակցություն է ստացել:
Պուտինն այս մեկնաբանությունն արել է հունվարի 11-ին մի քանի ռուսաստանյան լրատվամիջոցների խմբագիրների և ղեկավարների հետ հեռուստատեսային հանդիպման ընթացքում։
Ընդդիմադիր գործիչ Ալեքսեյ Նավալնիին, Ռուսաստանի կենտրոնական ընտրական հանձնաժողովը չգրանցեց որպես նախագահի թեկնածու, պատճառաբանելով, որ վերջինս դատվածություն ունի:
Նավալնին բողոքարկել է այդ որոշումը Գերագույն դատարանում, սակայն, այդ ատյանում ևս արդյունքի չի հասել: Ընդդիմադիր գործիչն այժմ մտադիր է այդ հարցի առնչությամբ դիմել երկրի Սահմանադրական դատարան:
