Ալեքսեյ Դանիլով. Իրանական «Շահիդ» տեսակի անօդաչու սարքերում հայտնաբերվել են Ուկրաինայի գործընկեր երկրների կողմից արտադրված մասեր
Ուկրաինայի գործընկեր երկրների արտադրած մասերը հայտնաբերվել են «Շահիդ» տեսակի անօդաչու թռչող սարքերում,- հայտարարել է Ուկրաինայի ազգային անվտանգության և պաշտպանության խորհրդի քարտուղար Ալեքսեյ Դանիլովը։
«Մենք ապամոնտաժեցինք իրանական «Շահիդ» տեսակի անօդաչու թռչող սարքերը և, ցավոք, գտանք մասեր, որոնք չեն արտադրվել ոչ Իրանում, ոչ Ռուսաստանում»,- ասել է Դանիլովը։
Դանիլովի խոսքով՝ ենթադրվում է, որ մասերը ձեռք են բերվել պատերազմի սկսվելուց առաջ, քանի որ անօդաչու թռչող սարքերն արտադրվել են 2019-2021 թվականներին։ Միաժամանակ, Ուկրաինայի ազգային անվտանգության և պաշտպանության խորհրդի քարտուղարն ընդգծել է, որ անհրաժեշտ է պարզել, չնայած սահմանված պատժամիջոցներին, թե ինչպես են արևմտյան պահեստամասերը հասնում Ռուսաստան։