Ալեքսանդր Վերշբոու. Խոստացել ենք, որ Ուկրաինան և Վրաստանը կդառնան ՆԱՏՕ-ի անդամներ, հնարավոր է, դա անել նոր, ասոցացված անդամի կարգավիճակ ստեղծելով
«Մենք պետք է օգնենք Ուկրաինային, Վրաստանին և այժմ Բելառուսին՝ քաղաքական միջամտություններից պաշտպանվելու և կիբերանվտանգություն ստեղծեու գործում», – այս մասին հայտարարել է ՆԱՏՕ-ի գլխավոր քարտուղարի նախկին տեղակալ Ալեքսանդր Վերշբոուն՝ «Ատլանտյան խորհրդի» կազմակերպած միջոցառմանը: Տեղեկատվությունը տարածում է «Ամերիկայի ձայնը»:
Հրատարակության փոխանցմամբ, դիվանագետը խոսել է Ռուսաստանի ագրեսիվ պահվածքի դեմ ծախսերն ավելացնելու անհրաժեշտության մասին:
«Մեր սկզբունքների հաշվին մի փորձեք մեծ գործարքներ կնքել Պուտինի հետ: Մոսկվայի հետ ավելի լավ հարաբերությունների զոհասեղանին զոհեր մի տվեք այլ երկրներին: Մենք պետք է դիմագրավենք ռուսական ագրեսիային բոլոր ոլորտներում՝ ուժեղացնելով ՆԱՏՕ-ն: Մենք պետք է օգնենք Ուկրաինային, Վրաստանին և այժմ Բելառուսին՝ քաղաքական միջամտություններից պաշտպանվելու և կիբերանվտանգություն ստեղծեու գործում: Ռուսաստանի ագրեսիվ պահվածքի դեմ մենք պետք է ծախսերը մեծացնենք: Բայց այս ամենը ասելով, մենք գիտենք նաև, որ այստեղ արագ բարելավման հեռանկար չկա: Հետևաբար, մենք կարծում ենք, որ պետք է համբերատար և հաստատուն լինենք մեր սկզբունքները պահպանելու հարցում: Պուտինը կարող է մնալ իշխանությունում ևս 10, 16 և ավելի տարի, և նա կընտրի պահպանել քաղաքական վերահսկողությունը՝ շարունակելով այն պահվածքը, որ Արևմուտքը որոշել է հաղթել Ռուսաստանին և մերժել է նրա արժանի տեղը աշխարհում»,- հայտարարել է Վերշբոուն:
ՆԱՏՕ-ի գլխավոր քարտուղարի նախկին տեղակալ Ալեքսանդր Վերշբոուն «Ատլանտյան խորհրդի» կողմից կազմակերպված միջոցառման ժամանակ ասաց, որ գուցե նպատակահարմար է Ուկրաինայի և Վրաստանի ՆԱՏՕ-ին անդամակցության համար ստեղծել նոր կարգավիճակ, ինչպիսին է ասոցացված անդամ կարգավիճակը:
«Քլինթոնի եւ Ելցինի միջեւ լրջորեն քննարկվեց ՆԱՏՕ-ին Ռուսաստանի անդամակցության հարցը: Այնուամենայնիվ, գործը երբեք դրանից այն կողմ չի գնացել: Համաձայն եմ այն կարծիքի հետ, որ այս խնդրին հնարավոր է ցանկացած կերպ վերադառնալ: Օրինակ՝ ավելի լավ քաղաքացիական հարաբերություններ ՆԱՏՕ-ի և Ռուսաստանի միջև, որպեսզի չունենանք այն զգացումը, որ ՆԱՏՕ-Ռուսաստան գործընկերությունը պարզապես ճակատային մոտեցում է: Դա կարելի է անել մի տեսակ համապարփակ մեթոդով: Ինչ ենք մենք անում Ուկրաինայի և Վրաստանի անդամակցության ձգտումների վերաբերյալ. Մենք խոստացել ենք, որ Ուկրաինան և Վրաստանը կդառնան ՆԱՏՕ-ի անդամներ, բայց մենք չենք քննարկել, թե ինչպես կարող ենք դրան հասնել: Հնարավոր է ստեղծել մի նոր, ասոցացված անդամի կարգավիճակ Ուկրաինայի և Վրաստանի համար», – հայտարարել է Վերշբոուն:
