Ալեքսանդր Ծուլաձեն զբաղեցրել է Վրաստանի կրթության, գիտության և երիտասարդության նախարարի պաշտոնը։
Կրթության նոր նախարարին ներկայացրել է Վրաստանի վարչապետ Իրակլի Կոբախիձեն կառավարության վարչակազմում կայացած ճեպազրույցում։
Ալեքսանդր Ծուլաձեն ավարտել է Թբիլիսիի պետական և Հռոմի «Լա Սապիենցա» համալսարանները իրավագիտության դոկտոր է։ Տարբեր ժամանակներում նա աշխատել է որպես Վրաստանի արդարադատության բարձրագույն խորհրդի միջազգային դեպարտամենտի ղեկավար, Թբիլիսիի քաղաքային դատարանի միջնորդ և Գերագույն դատարանի դատավոր։ Նա հրավիրված դասախոս է Թբիլիսիի պետական համալսարանում և դոցենտ «Ալտե համալսարանում»։ Ալեքսանդր Ծուլաձեն աշխատել է նաև որպես կրթության նախարարի առաջին տեղակալ։
Ալեքսանդր Ծուլաձեն շնորհակալություն է հայտնել վարչապետին վստահության քվեի համար։
Գիորգի Ամիլախվարին սեպտեմբերի 28-ին լքել է Վրաստանի կրթության, գիտության և երիտասարդության նախարարի պաշտոնը և հայտարարել, որ վերադառնում է մասնավոր հատված։