Դպրոցներն ու բուհերը ֆինանսավորում են ստանում կրթության շարունակականությունն ապահովելու համար, ուսումնական գործընթացի միտումնավոր ընդհատումը հասարակության առջեւ ստանձնած պարտավորությունների խախտում է,- այս
մասին Վրաստանի կրթության, գիտության և երիտասարդության նախարար Ալեքսանդր Ծուլաձեն հայտարարել է կառավարության նիստի ավարտից հետո լրագրողների հետ հանդիպման ժամանակ:

Նրա խոսքով՝ կրթական հաստատությունների քաղաքականացումը լիովին անընդունելի է, և մենք պետք է այնպես անենք, որ քաղաքականությունը չմտնի ուսումնական հաստատություններ։

«Ուսումնական գործընթացը պետք է հարթ ընթանա ամենուր: Սա այն է, ինչ նախատեսում են թույլտվության սկզբունքները։ Ըստ այդմ՝ բոլոր դպրոցներն ու բուհերը պետք է վերադառնան բնականոն ռեժիմի։ Դպրոցներն ու համալսարանները ստանում են ֆինանսավորում ուսուցման շարունակականությունն ապահովելու համար: Անձամբ ես կարծում եմ, որ ուսումնական գործընթացի միտումնավոր խաթարումը հանդիսանում է հանրության հանդեպ կրթական հաստատությունների ստանձնած պարտավորությունների խախտում։ Սա մեր կողմից հավանության չի արժանանա, ընդհակառակը, նրանք պետք է անհապաղ վերականգնեն ուսումնական գործընթացը և շարունակեն կատարել իրենց պարտավորությունները»,- ասել է Ալեքսանդր Ծուլաձեն։