Ուկրաինայի զինված ուժերի նոր գլխավոր հրամանատար Ալեքսանդր Սիրսկին խոսել է պաշտոնում նշանակվելուց հետո իր առջեւ դրված խնդիրների մասին։

«Օրակարգում ունենք նոր խնդիրներ, առաջին հերթին դա բոլոր ռազմական հրամանատարության եւ վերահսկողության մարմինների ձեւավորումն է, ստորաբաժանումների գործողությունների հստակ եւ մանրամասն պլանավորումը։ Զենքի առումով ռազմաճակատի կարիքները, որոնք ապահովում են միջազգային գործընկերները, զինվորներին ապահովելն այն ամենով, ինչին անհրաժեշտ է կռվելու համար, եղել և մնում է մեր գլխավոր խնդիրը»,- ասել է Սիրսկին։

Սիրսկին ընդգծել է, որ զինվորականների և անձնակազմի որակավորումը չափազանց կարևոր է պլանների մշակման և հաջող իրականացման համար։

«Միայն փոփոխություններն ու պատերազմի միջոցների ու մեթոդների շարունակական կատարելագործումը մեզ թույլ կտան հաջողության հասնել այս ճանապարհին։ Իհարկե, հուսալի թիկունքը պատերազմում ընդհանուր հաջողության հիմնական բաղադրիչներից մեկն է»,- ասել է Սիրսկին։

Ուկրաինայի նախագահ Վլադիմիր Զելենսկին երեկ Վալերի Զալուժնիի փոխարեն երկրի զինված ուժերի գլխավոր հրամանատար է նշանակել Ալեքսանդր Սիրսկուն։