Այն, ինչ հիմա կատարվում է «Ազգային շարժման» մեջ, կատարյալ խայտառակություն է, այս մասին ասել է «Գիրչի»-ի անդամ Ալեքսանդր Ռաքվիաշվիլին։

Ռաքվիաշվիլիի խոսքով՝ ինքը վերահսկում է գործընթացը, թե ինչ կոնֆիգուրացիայով է պահպանվելու «Ազգային շարժումը»։

«Հետաքրքիր է՝ երբ կավարտվի։ Կես տարի կամ ինը ամիս է, ինչ այս թյուրիմացությունը շարունակվում է, չափազանց մեծ ուշադրություն է դարձվել։ Սա միգուցե հասկանալի է, բայց, ի վերջո, մեզ խանգարում է խոսել այլ, ավելի կարևոր թեմաների շուրջ։ Ամենակարևորը՝ մենք չենք հասկանում, թե ինչ կոնֆիգուրացիայով է պահվելու «Ազգային շարժումը» կամ ում հետ պետք է խոսի։ Երբ կուսակցությունում ունես նման կոնֆլիկտ ու չես կարողանում լուծել, կարող է առաջանալ իշխող թիմի, նախագահի և այլ կառավարիչների լեգիտիմության խնդիր։ Ես դա դիտում եմ, պատկերացում չունեմ, թե ինչպես կավարտվի, այնուամենայնիվ, հուսով եմ, որ այն արագ կավարտվի»,- ասել է Ալեքսանդր Ռաքվիաշվիլին։